مستشفى الامير فهد بن سلطان

بسم الله الرحمن الرحيم

اخواتي في منتدى بوابة تبوك عندي ولد يعاني اثناء النوم لان عندة لحمية بالانف عرضتة ع دكتور في مستشفى العسكري وقال لازم عملية استئصال لوز ولحمية واعطاني موعد ولم اذهب لاني خفت علية كثير
والان ابعمله العملية لان يعاني اثناء نومة ومااقدر انتظر اكثر من كذا ولكن المستشفى اعطاني موعد بعد شهرين
ايش رايكم بمستشفى الامير فهد احسن او العسكري اللي عندة فكرة اويعرف احد صلحها به يفيدني جزاكم الله خير وحفظ لكم كل غالي

أسأل الله عظيم رب العرش العظيم ان يشفيه لك

واستخيري والله يقدم اللي فيه الخير


والاخوان والاخوات ما يقصروا بأذن الله


وبصراحه اشوف تعمل العمليه خارج المملكه في الاردن افضل مثل المستشفى الاسلامي بعمان

مون لايت ..

انصحك تبتعدي عن مستشفى العسكري وانا اقول لك ليش ..

واحد من اخواني وهو صغير قالوا انه فيه فشل كلوي وبعد كم شهر طلع معه مويه بالكلى ...

وحده من اخواتي تعبت وقالو فيها الزايده ولازم عمليه وسو لها العمليه وبعد العمليه قالو مافيها الزايده اللي فيها نزله معويه ...

باختصار مستشفى العسكري اغلب تشخيصاتهم غلط ...

ومستشفى الامير فهد يكفي عنايتهم واهتمامهم بالمريض ...

واعرف وحده سوت لولدها عمليه اللوز وشالوها..

ومناعته قلت اقل شي يتعبه ويصخن على طول ....

((وان شاء الله اذا داومت ام الولد بكره اسالها عن العمليه بالتفصيل ووين سوتها لولدها وارد عليك ))


والله يخلي لك ولدك ويشفيه ...

أوخيتي العزيزة مون لايت .............. تحيه طيبة

نحن في تبوك والحمد لله على كل شيء نعاني من سوء جميع المستشفيات سواء الحكومية أو الأهلية , ولكن اسمحي لي بهذه المقولة " هنالك تيس وهنالك تيوس وهنالك أحسن التيوس " .
وبالفعل أنصحك بمستشفى الأمير فهد بن سلطان وأتمنى أن يكون لديكِ تأمين لأن مثل هذه العمليات تكلف مالا يقل عن 6000 ريال اي ستة الآف ريال تقريباً .
أما مشكلة اللحمية فثقي أن لا علاج لها ....... حيث أعرف العديد من الزملاء أجروا هذه العملية داخل وخارج المملكة وبالفعل تحسنوا لفترة ثم عادة لهم ، وسواء العملية كانت جراحية أو ليزر ........ سوف تعود اللحمية للظهور .
تمنياتي لطفلكِ بالشفاء إن شاء الله .

دمتم بخير

انا اختي سوت اللحميه من ثلاث اسابيع بمستشفى الامير

وبصراحه مافي احسن منها انا اشوف

ان شاء الله تجي واخذ التفاصيل منها

للمعلوميه .. عندي اختي طلعت له حبه تحت الجلد بمنطقه الرقبه راحت العسكري قالو لها اشتباه في السرطان وعاشت اختي حاله رع راحت مستشفى الامير قالو لها كيس دهني وسوا لها الدكتور العمليه وتخدير موضعي وبأقل من نص ساعه ويارب لك الحمد والشكر مافيها الا العافيه الحين..

لو تكون العمليه خارج السعوديه مثل ماتفضل أخوي هاوي الشمال مستشفى فيصل الاسلامي

جزاكم الله كل خير ع ردودكم وما قصرتو
والله يقدم اللي فية الخير
والله يبعدعنكم وعن احبابكم كل شر امين
اخواتي وحدة من العالم وبراقة انا بانتظار ردودكم جزاكم الله خير

اسأل الله العظيم رب العرش العظيم ان يشفي ابنك . . . ويحفظه من كل شر . . .

وبالنسبة لسؤالك . . . فما عندي اكثر من اللي قالوا الاخوان والاخوات . . . .

وربي يحفظكم . . .

الله يشفيه و يحفظه ان شاء الله

اختي مون لايت

حطيلي بيانات الطفل عمره وجنسه ووزنه واذا له تاريخ مرضي
أكتبي بالتفصيل الاعراض الي يعاني منها وخاصة أثناء النوم وهل هناك شخير أثناء النوم من الفم وهل يعاني من أنزعاج بالنوم يعني تلاقينه يتشلقب ويبكي شوي او لا..
حاولي تكتبي كل الاشياء الي تلاحظينها فيه..
وحاولي تحصلي على نسبة الاكسجين بالدم أثناء النوم واذا ماعندك جهاز أضغطي على ضفر الابهام بضفرك وفكي شوفي اللون الابيض يرجع خلال كم للون الطبيعي الي هو البنِنك أقل من ثانيتين أو أكثر

وان شاء الله راح افيدك بالتشخيص قبل أن افيدك بالتوجيه لأي مستشفى ممكن مشكلته تكون بسيطه؟؟!!